Mugimendu horri esker, Tekneik Getxoko egoitzatik duen jarduteko gaitasuna handitu ahal izango du, bere taldea ia 50 profesional berrirekin indartuz eta bere gaitasun teknologikoak zein zerbitzuak areagotuz. Honek, gainera, eragin positiboa izango du enplegu kualifikatuaren sorreran eta lurraldeko sektore teknologikoa indartzean.

Tekneiren handitzea une bereziki esanguratsu batean gertatu da Bake Eder Ezagutza Zentroarentzat; izan ere, 2026an hamabost urte beteko ditu berrikuntza, lankidetza eta enpresa-garapenerako gune gisa. Bere instalazioek ingurune egokia eskaintzen diete enpresa teknologikoei hazteko, berritzeko eta sinergiak sortzeko, ezagutzan eta eraldaketa digitalean oinarritutako enpresa-bizikidetza eredua sendotuz.

Bizkaiko Foru Aldundiak sustatutako Biscaytik Fundazio publikotik modu positiboan baloratzen da hazkunde hau, fundazioaren misioa indartzen duelakoan: lurraldearen aurrerapen teknologikoan laguntzea, berrikuntza administrazio publikoetara zein ekonomia- eta enpresa-sarera hurbilduz.

18 urteko ibilbidearekin, Biscaytik tokiko eraldaketa digitalaren arloan eredu aitzindari gisa sendotu da, Bizkaiko udalak eta mankomunitateak modernizazio teknologikoan lagunduz, irtenbide berritzaileen, laguntza teknikoaren eta prestakuntza espezializatuaren bidez. Ezagutza eta esperientzia hori Bake Eder Ezagutza Zentroa bezalako espazioetan ere islatzen da; izan ere, enpresek berrikuntzarekin eta lurraldearen garapenarekin lotutako ingurune batean hazteko aukera dute bertan.

Tekneiren bilakaerak eta Bake Ederren bere jarduera handitzeko egin duen apustuak agerian uzten dute Bizkaiarentzat talentua, enpresa-jarduera eta garapen-aukera berriak erakartzen jarraitzen duen zentro baten potentziala.